2018 2018

Endurnýjaður samstarfssamningur Artasan ehf. og Hjartaheilla

Endurnýjaður samstarfssamningur Artasan ehf. og Hjartaheilla

Á myndinni eru: Sveinn Guðmundsson, Ásgeir Þór Árnason, Arnþór Jóhannsson frá Artasan og Kjartan Birgisson.

 

Hjartaheill og Artasan ehf. hafa endurnýjað samstarfssamning sinn um sölu á Microlife blóðþrýstingsmælum, en Hjartaheill hefur notað Microlife blóðþrýstingsmæla við mælingar um allt land undanfarin 16 ár með mjög góðum árangri.

 

Blóðþrýstingsmælar eru mikið notaðir af hjartasjúklingum og fjölmörgum öðrum til að fylgjast með heilsufari sínu, enda er háþrýstingur oftast einkennalaus en veldur aukinni hættu á hjarta- og æðasjúkdómum.

 

Auk þess að bæta úr þörf félagsmanna sinna fyrir að eignast slíka blóðþrýstingsmæla fær Hjartaheill 500 krónur af hverjum seldum mæli til annarra starfa samtakanna.

 

Mælana er meðal annars hægt að kaupa í apótekum um allt land, í SÍBS versluninni sem og á skrifstofu Hjartaheilla, Síðumúla 6, Reykjavík.

 

Hjartaheill vænta góðs af þessu áframhaldandi samstarfi sem getur orðið e.t.v. á fleiri sviðum en Artasan sérhæfir sig m.a. í sölu og markaðssetningu á fjölbreyttu úrvali af heilsuvörum, lausasölulyfjum og samheitalyfjum.

 

Artasan bíður einungis upp á þekktar gæðavörur frá framleiðendum sem uppfylla ströngustu gæðakröfur.

Borðaðu þetta en ekki þetta

Borðaðu þetta en ekki þetta

Gunn­ar Már Kamb­an. mbl.is/​Eggert Jó­hann­es­son

„Það er sjaldn­ast þörf að hætta að borða allt sem er gott þó þú sért að minnka sykraðar vör­ur. Lang­flest er hægt að finna án syk­urs, með minna magni eða hrein­lega að búa það til sjálf/​ur. Hérna eru nokkr­ar vör­ur sem sniðugt er að skipta út fyr­ir aðrar í fyrstu vik­unni,“ seg­ir Gunn­ar Már Kamb­an höf­und­ur bók­anna Hættu að borða syk­ur og LKL lífs­stíll­inn svo eitt­hvað sé nefnt. Hann er les­end­um Smart­lands inn­an hand­ar í Syk­ur­laus­um sept­em­ber. 

Morgunblaðið

 

Hjartað í fyrsta sæti GoRed 2018

Hjartað í fyrsta sæti GoRed 2018

GoRed – samtök um vitundarvakningu um hjartasjúkdóma kvenna vekja athygli á þessu brýna málefni í febrúar ár hvert og hvetja landsmenn alla til að setja hjartað í fyrsta sæti og hugsa vel um heilsuna.

 

Hjartasjúkdómar eru nefnilega ekki bara sjúkdómar eldra fólks eins og sjá má í blaðinu okkar

Mæling í Reykjanesbæ 13. febrúar 2018

Mæling í Reykjanesbæ 13. febrúar 2018

Fjórir ættliðir 8 til 88 ára.

 

Þriðjudaginn 13. febrúar fór fram heilsufarsmæling í Reykjanesbæ. Sent var út boðsbréf til allra íbúa í Reykjanesbæ og nágrennis og þeim boðinn ókeypis heilsufarsmælingar og gefinn kostur á að svara heilsufarskönnuninni Líf og heilsa.

 

Mælingar hófust stundvíslega kl. 08:00 og lauk um kl. 18:30. Alls mættu 233 einstaklingar í mælingu þennan dag.

 

Félögin sem standa að þessu verkefni eru SÍBS, Hjartaheill, Samtök lungnasjúklinga og Samtök sykursjúkra í samstarfi við Sandgerðisbæ og Heilbrigðisstofnun Suðurnesja.

 

Allir þessir samstarfsaðilar þakka þeim sem mættu í mælingarnar á Suðurnesjum hjartanlega fyrir komuna en nú verður gert stutt hlé á heilsufarsmælingum félaganna.

Mæling í Sandgerði 12. febrúar 2018

Mæling í Sandgerði 12. febrúar 2018

 

Mánudaginn 12. febrúar fór fram heilsufarsmæling í Sandgerði. Sent var út boðsbréf til allra íbúa í Sandgerði og nágrennis og þeim boðinn ókeypis heilsufarsmælingar og gefinn kostur á að svara heilsufarskönnuninni Líf og heilsa.

 

Mælingar hófust stundvíslega kl. 10:00 og lauk um kl. 15:30. Alls mættu 161 einstaklingar í mælingu þennan dag.

 

Félögin sem standa að þessu verkefni eru SÍBS, Hjartaheill, Samtök lungnasjúklinga og Samtök sykursjúkra í samstarfi við Sandgerðisbæ og Heilbrigðisstofnun Suðurnesja.

 

Allir þessir samstarfsaðilar þakka þeim sem mættu í mælingarnar hjartanlega fyrir komuna og hlakka til að hefja mælingu í Heilsugæslunni í Reykjanesbæ, Skólavegi 6, þriðjudaginn 13. febrúar frá kl. 08:00 til 18:00.

Hér er hægt að sjá myndir frá mælingunni 

Mæling í Grindavík 9. febrúar 2018

Mæling í Grindavík 9. febrúar 2018

 

Föstudaginn 9. febrúar fór fram heilsufarsmæling í Grindavík. Sent var út boðsbréf til allra íbúa í Grindarvíkurbæ og þeim boðinn ókeypis heilsufarsmælingar og gefinn kostur á að svara heilsufarskönnuninni Líf og heilsa.

 

Mælingar hófust stundvíslega kl. 09:00 og lauk um kl. 15:30. Alls mættu 161 einstaklingar í mælingu þennan dag.

 

Félögin sem standa að þessu verkefni eru SÍBS, Hjartaheill, Samtök lungnasjúklinga og Samtök sykursjúkra í samstarfi við Grindavíkurbæ og Heilbrigðisstofnun Suðurnesja.

 

Allir þessir samstarfsaðilar þakka þeim sem mættu í mælingarnar hjartanlega fyrir komuna og hlakka til að hefja mælingu í Íþróttamiðstöðinni í Sandgerði mánudaginn 12. febrúar kl. 10:00 til 15:00.

 

Hér er hægt að sjá myndir frá mælingunni 

Ókeypis heilsufarsmæling Reykjanesbæ

Ókeypis heilsufarsmæling í Reykjanesbæ 13. febrúar klukkan 08:00 - 18:00 - Skólavegur 6, Heilsugæslan 3ja hæð

 

Ókeypis heilsufarsmæling í Reykjanesbæ 13. febrúar klukkan 08:00 - 18:00 - Skólavegur 6, Heilsugæslan 3ja hæð

 

SÍBS Líf og heilsa er forvarnaverkefni um heilbrigði og lífsstíl þar sem SÍBS ásamt Samtökum sykursjúkra, Hjartaheill og Samtökum lungnasjúklinga bjóða almenningi ókeypis heilsufarsmælingu í samstarfi við heilbrigðisstofnanir og sveitarfélög. Fagfólk frá heilsugæslunni verður á staðnum og veitir ráðgjöf og eftirfylgd.

 

Mældur er blóðþrýstingur, blóðfita, blóðsykur, súrefnismettun og fleira, auk þess sem þátttakendum er boðið að taka þátt í könnun um lífsstíl og heilsufar sem snertir á flestum áhrifaþáttum heilbrigðs lífs.

Bjóða ókeypis heilsufarsmælingar á Suðurnesjum

Heilbrigðisstofnun Suðurnesja

 

SÍBS Líf og heilsa er forvarnaverkefni um heilbrigði og lífsstíl þar sem SÍBS, Samtök sykursjúkra, Hjartaheill, Samtök lungnasjúklinga og Heilbrigðisstofnun Suðurnesja bjóða almenningi ókeypis heilsufarsmælingu í samstarfi við sveitarfélögin Grindavík, Sandgerði og Reykjanesbæ dagana 9., 12. og 13. febrúar 2018. Fagfólk frá heilsugæslunni verður á staðnum og veitir ráðgjöf og eftirfylgd.

 

Mældur er blóðþrýstingur, blóðfita, blóðsykur, súrefnismettun og fleira, auk þess sem þátttakendum er boðið að taka þátt í könnun um lífsstíl og heilsufar sem snertir á flestum áhrifaþáttum heilbrigðs lífs.

 

Íbúum á Reykjanesi verður boðið upp á heilsufarsmælingar í Heilsugæslan í Grindavík, Víkurbraut 62, 240 Grindavík, föstudaginn 9. febrúar frá kl. 09:00 til 15:00.

 

Heilsugæslan Sandgerði, Íþróttamiðstöðin í Sandgerði, Suðurgata, 245 Sandgerði, mánudaginn 12. febrúar frá kl. 10:00 til 15:00.

 

Heilsugæslan í Reykjanesbæ, Skólavegi 6, 230 Reykjanesbæ þriðjudaginn 13. febrúar frá kl. 08:00 til 18:00.

Stuðningsnet sjúklingafélaganna

Stuðningsnet sjúklingafélaganna

Stuðningsnet sjúklingafélaganna býður upp á jafningjastuðning fyrir fólk sem glímir við erfiða sjúkdóma og aðstandendur þeirra.  Þeir sem veita stuðninginn eru einstaklingar sem greinst hafa með svipaða sjúkdóma eða eru aðstandendur.

 

Allir stuðningsfulltrúar hafa lokið stuðningsfulltrúanámskeiði hjá umsjónaraðila og/eða fagaðilum Stuðningsnetsins. Meira

Ég fékk annað tækifæri á að lifa

„Ég fékk annað tækifæri á að lifa“

  

Fyrsti íslenski hjarta- og lungnaþeginn fagnar því um helgina að þrjátíu ár eru síðan hann gekkst undir aðgerðina. Hann er við hestaheilsu, horfir bjartsýnn til framtíðar og hlakkar mest til að verða afi.

 

Halldór Halldórsson fæddist með alvarlegan hjartagalla og annan febrúar 1988 gekkst hann undir hjarta- og lungnaskiptaaðgerð á sjúkrahúsi í London. Hann var þá tuttugu og fimm ára gamall.

 

Aðgerðin vakti mikla athygli. Viðtöl við Halldór birtust víða í fjölmiðlum og hann sat meira að segja fyrir í auglýsingum. Þjóðin fylgdist grannt með bataferlinu og hann varð landsþekktur á þessum tíma.

 

Halldór hefur síðan verið við góða heilsu. Hann segir aðgerðina hafa bjargað lífi sínu og umturnað því um leið. Hann losnaði til dæmis við þunga súrefniskúta sem hann hafði neyðst til að bera um allt.

 

„Ég var alveg háður súrefni, var með fimm sex lítra af súrefni alveg stanslaust. Eftir að ég fékk líffærin þá gjörbreyttist allt saman. Mér leið bara eins og ég hefði sloppið úr fangelsi. Bara allt annað líf, og ég fékk annað tækifæri á að lifa,“ segir hann.

 

Halldór á tvær dætur og hefur starfað á Reykjalundi síðustu áratugina, þar sem hann aðstoðar aðra líffæraþega í endurhæfingu. Hann er mikill baráttumaður fyrir ætluðu samþykki til líffæragjafar.

 

„Án líffæragjafar þá væri ég ekki hér í dag. Mér finnst það alveg frábært þegar aðstandendur hafa gefið líffæri úr ættingjum, mér finnst það bara alveg yndislegt.“

 

Halldór horfir bjartsýnn til næstu ára.

 

„Þau verða örugglega mjög skemmtileg. Ég er bjartsýnn á það. Maður eldist með þessu öllu saman, og verður svo fljótlega, einn góðan veðurdag afi skilst mér. Er það mesta tilhlökkunarefnið? Nákvæmlega, það er það.“

RUV laugardaginn 3. febrúar 2018